Pune Bypoll Election : कसबा पेठ, पिंपरी-चिंचवड विधानसभेच्या पोटनिवडणुकींची घोषणा.
Pune Bypoll Election Date : केंद्रीय निवडणूक आयोगाने (Election Commission) महाराष्ट्रातील दोन विधानसभा मतदारसंघाच्या पोटनिवडणुकींची घोषणा केली आहे. त्रिपुरा, नागालँड आणि मेघालयमधील विधानसभा निवडणुकींच्या (EC Announce Poll Dates For Nagaland Meghalaya Tripura Legislative Assemblies) घोषणा करतानाच पुण्यामधील (Pune) कसबा पेठ (Kasba peth bypoll) आणि पिंपरी-चिंचवड (pimpri chinchwad bypoll) मतदारसंघांमधील पोटनिवडणुकांची घोषणा करण्यात आली. या पोटनिवडणुकींसाठी मतदान 27 फेब्रुवारी रोजी होणार आहे. तर मतमोजणी 2 मार्चला होणार आहे. अर्ज दाखल करण्याची शेवटची तारीख 7 फेब्रुवारी आहे.
कसबा पेठ मतदारसंघातील भारतीय जनता पार्टीच्या (BJP) आमदार मुक्ता टिळक (Mukta Tilak) आणि पिंपरी-चिंचवडचे आमदार लक्ष्मण जगताप (Laxman Jagtap) यांच्या निधनानंतर दोन्ही मतदरासंघांमधील जागा रिक्त झाल्या आहेत. याच जागांवर आता पोटनिवडणुका पार पडणार आहेत.
