एकादशी : विष्णुपुराण काय सांगते ?

ekdashi-vishnupuran-kay-sangte

चैत्र महिन्यात येणारी एकादशी म्हणजे चैत्र एकादशी, जी कामदा एकादशी म्हणून ओळखली जाते. आषाढी, कार्तिकी या दोन मुख्य एकादशी असल्या तरी वर्षात येणाऱ्या इतर एकादशीचे सुद्धा विशेष महत्व आहे. या निमित्त अनेक भाविक पंढरीची वारी करतात. आजच्या दिवशी दीड ते दोन लाख भाविक पंढरपुरात दर्शनासाठी दाखल झाले आहेत. आजच्या दिवशीचे उपवास केल्याने भाविकांची पुनरजन्माच्या चक्रातून सुटका होते अशी धारणा आहे. कामदा एकादशीचं व्रत अत्यंत पवित्र मानलं जातं. असं म्हणतात की कामदा एकादशीचं व्रत ठेवणाऱ्याला एकाच व्रताने कित्येक पटींनी जास्त पुण्य मिळतं.

                  काय आहे कामदा एकादशीची कथा

प्राचीन काळी भोगीपूर नावाचे नगर होते, तेथे पुंडरिक नावाचा राजा राज्य करत असे. हे शहर खूप आनंदी होते. या नगरीत अनेक अप्सरा, किन्नर आणि गंधर्व वास्तव्यास होते असे म्हणतात. त्यांच्यात ललिता आणि ललित यांच्यात खूप स्नेह होता, दोघेही अतिशय आलिशान घरात राहत होते.